awram

المعهد القومى للأورام بفم الخليج يتلقى التبرعات على حساب 777 البنك الأهلى المصرى , أما مشروع إنشاء المعهد الجديد بمدينة 6 أكتوبر حساب 500 500 البنك الأهلى و بنك مصر . صفحة المعهد على الفيس بوك هنا

copyright

Protected by Copyscape Online Plagiarism Tool
ايها الطائرين و الله منورين يلا دوسوا اشتراك و خليكوا موجودين و ده حسابى فى تويتر خليكوا متابعين

الأربعاء، 26 أكتوبر 2011

حدوتتنا !

بيتنقلوا و يتنططوا ولا ابن بطوطة
حكاياتهم و زكرياتهم فقلوبهم محطوطة
و قلوبهم و قلوب ولادهم مع بعض مربوطة
اقولكم على اسرار صغنتوتة ؟؟
فى حاجة مهما اقولها على قلبى لا يمكن تصبح ملتوتة !
عارفين هى ايه ؟؟
دى حدوتة صالوننا
احلى حدوتة !!!
حدوتة تبلغ من العمر 25
و 4 اطفال مهما كبروا برضو فعينيهم صغيرين
حدوتة يا رب تعيش تانى سنين و سنين
حدوتة ناس غلاوتهم عندى غلاوة عينيا الاتنين
ماهى حدوتى انا و هما
اهلى الطيبين !!

فى الذكرى الخامسة و العشرون لزواج بابا المهندس محمد النجدى على ماما المعلمة و الفنانة عزة حامد كتبتلهم هذا الشعر الركيك (كعادة اشعارى) احتفالا و ابتهاجا بامضائهم تلك المدة حسن سير و سلوك ، عقبال ما نحتفل بالذكرى 250
الغريب انى بقالى حوالى سنتين بفكر هنعمل ايه فى اليوم هنروح فين , و نفاجئهم ازاى
و لكن تشاء الاقدار ان يكونا معا بعيدا عنا (ربنا عتقهم من الخناقات اللى كانت هتحصل مننا) فى ارض اخرى غير الوطن , و اهو جو رومانتيكى خلاب برضو :))
فبما اننا مش هنعرف نفاجئهم فى ارض الواقع فقررت ان افاجئهم فى ارض الشبكة العنكبوتية .
الميزة اللى بحبها اوى فى بيتنا هو ان مفيش مختلف غيرى , محدش بيتخانق غيرى , و محدش بيعمل مفاجآت غيرى و اخيرا محدش بيعك فى المطبخ و يسيبه مقلوب غيرى (نحمد الله ان ماما مش هنا عشان تشوف منظره)

احب اوجه رسالة منى انا المدعو اكرم النجدى اخر العنقود الى بابا و ماما بكل سنة و انتوا طيبين ، من اكتر واحد بيضايقكوا و يعصبكوا و يقرفكوا و يطهكوا فى عيشتكوا فى الدنيا دى كلها :)))

ملحوظة : قلت الحق انشرها النهاردة بما ان الجو رايق , محدش عارف بكره هيحصل ايه :))

هناك 9 تعليقات:

  1. كل سنة و بابا و ماما بخير ..
    ربنا يمدهم بالصحة و العافية ..
    و يفرحهم بيكم .. :)
    لفتة جميلة يا أكرم .. حلوة فعلًا..
    تسلم ايديك

    ردحذف
  2. hehehehe :D
    kol sana w homa b 5eeer :) rabena y5alehomlak ...

    ردحذف
  3. كل سنة و بابا و ماما طيبين و عقبال عيد الزواج الماسى
    اكيد محظوظين بابن زيك

    تحياتى

    ردحذف
  4. مبروووووك و عقبال 100 سنة جواز

    لبابا و ماما يا أكرم (:

    ربنا يحافظ عليكم و عليهم و تتجمعوا قريب

    قول امين

    (:

    ردحذف
  5. ده انت من يومك فنان بقى....ربنا يخليهم ليك

    ردحذف
  6. انا حضرت الحفلة الأولنية

    يعنى دة تانى عيد جواز احضره معاكم

    ((:

    ردحذف
  7. ثقافة الهزيمة .. عصابة البقرة الضاحكة‏ 2‏

    و عن لسان الوزراء فى مارينا مصيف الصفوة السياسية يقول أحد أفراد الأمن بالمنطقة ويحرس فيلات الوزراء ورجال الأعمال أول فيلا هنا أتبنت كانت لإبراهيم سليمان وزير الأسكان السابق بعدها حدد الناس اللى تسكن المكان، خصوصا أنه أهدى علاء وجمال أبناء الرئيس السابق قصرين على بعد خطوات من فيلته، ثمن الواحد منهم يعدى الـ 40 مليون جنية ( حوالى 7 مليون دولار ) ومسجلين بأسماء هايدى وخديجة زوجاتهم.

    و أستطرد: فى لسان الوزراء يسكن إيضا أحمد شفيق رئيس الوزراء السابق وهو عضو فى أتحاد الشاغلين بمارينا، والوحيد من الوزراء السابقين الذى جاء بعد الثورة إلى مارينا، و له فيلا يقدر ثمنها الآن من 15 إلى 20 مليون جنية ( حوالى 3 مليون دولار ) ونفس السعر لفيلا نائب رئيس الجمهورية السابق عمر سليمان...
    باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us

    ردحذف
  8. ربنا يبارك قيك يا بنى و يطيل فى عمرك , أنت أخر العنقود سكر معقود , لعل الأجازة الماضية التى قضيناها سويا تكون قد قاربت بيننا على وجه أكبر
    والدك و والدتك المحبين لك على الأخر

    ردحذف
  9. أنت مشروع كاتب عظيم و تمثل إستمرار لموهبة جدك رحمه الله ’ أطمع ذات يوم أن تكون مثله فى مجال الأدب و القصص و المسرح و الفن و اللغات , بارك الله فيك و باركك ’
    والدك محمد النجدى

    ردحذف

عبرنى شكرا :)