قبة حياة !

فى ماضى حلو بس بقى زكرى
فى وسط الف ذكرى
سبتنى ليه ؟ معنديش فكرة !
اه تعبت فترة
مكنتش حتى بحلم ببكرة
بس نسيت
و مسكت قلبى بايدى و قسيت
منكرش انى حبيت
بس سبتنى و ناديتك
بعتنى بعد ما اشتريتك
امرنى قلبى استنى واسمع كلامك بس عصيته و عصيتك
تعبت حبة
هديت جبل و بنيت قبة
قبة كرامة قبة عقل قبة حياة
قبة لقلبى عوضت خسارته فالقلب اللى اشتراه
قبة علمتنى اصبر و انول
قبة قالتلى يا بنى طول ما انت انت محدش يطول
متزعلش من اللى باعك
مسيره يبكى عليك
مسيرة يندم و يحاول يرجع ليك
اوعى تصدق و لا تخلى قلبك يسمعه
ماهو سمعه قبل كده و بدل ما ينقذه سممه
و قسى عليه و قساه لحد ما علمه
قد ايه صعبة القسوة ,و اللى يقسى ملوش لازمة فحياتك
متدورش على احبابك
لوحدك و لوحدهم هتلاقوا بعضكم و القدر و القمر هيجمعوكوا
و مع الحب من غير شمس هيدفوكوا
ساعتها هيطلع نور من قلبك ينور الدنيا و يطلع الشمس
اوعى تسيب حاجة جوا نفسك او تقولها بالهمس
على صوتك
على صوتك
قول رأيك اثبت وجودك
على صوتك
دافع ده واجبك و دى حقوقك
على صوتك
لتنساه
علي صوتك
و اسمعه , حس بيه و إحياه
على صوتك لسه فى ناس مسمعتش
على صوتك عرف الناس اللى لسه محبتش
على صوتك خلى الدنيا تفرح و ترقص
على صوتك دى الدنيا غدارة بتقرص
على صوتك دى الحياة متبقاش حياة
من غير غنا و ضحك و دعا .. غير لما القلب يحقق مناه
عدى الوحش ارميه ورا ضهرك و انساه
الحلو جى بعده استناه
هيجى فى يوم اللى تنسى عذابك اما تلقاه
متستغربش ده حال الدنيا
هى دى الحياة
مبتتعبش فيها ولا تفرح الا الروح الحرة
هى دى الحياة
شوية حلوة و شوية مرة !