awram

المعهد القومى للأورام بفم الخليج يتلقى التبرعات على حساب 777 البنك الأهلى المصرى , أما مشروع إنشاء المعهد الجديد بمدينة 6 أكتوبر حساب 500 500 البنك الأهلى و بنك مصر . صفحة المعهد على الفيس بوك هنا

copyright

Protected by Copyscape Online Plagiarism Tool
ايها الطائرين و الله منورين يلا دوسوا اشتراك و خليكوا موجودين و ده حسابى فى تويتر خليكوا متابعين

الثلاثاء، 4 أكتوبر 2011

يحكى ان !

يحكى انه فى زمن ليس هو بالبعيد
كان يوجد دولة عظيمة بشعبها المجيد
ثم تعاقبت السنون و مرت القرون
و تعاقب حاكمون اختلفوا فى كل شئ الا فى تحويلهم جميعا الشعب الى عبيد
ثم ولدت بعض الاناث , بعضا من الناس , الذين امتلكوا احساس , بان البلاد بلادهم و خيراتها املاكهم , و ان طبقة المتحكمين ما هى الا سارقين !
فتهامسوا ليتجمعوا ثم فى العامة نادوا , و للحكومة عادوا , فرمت من رمت السجون و اتهمت الاخرين بالجنون !
فلما كان ما كان , احس الشعب الهمام بانه قد آن الأوان
فوقف وقفته و باع دنيته ليشترى كرامته
فلما كان ما كان من سقوط النظام , سلم الحاكم الجبان الحكم لمماليك المقاتلين
فأسكنوه قصر ثمين , و قالوا للشعب المسكين انه فى سجن حصين
و كالوا له ما كالوا من الانتقاد و التقطيم
فلما علمت الناس علم اليقين , بما يحدث للحاكم السمين
قاموا مطالبين , بتنفيذ حكم الله فيه على ما قتل من القاتلين
و برد الاموال التى اخذها كل رجلا من مال الدولة الثمين
فقام المماليك مذعورين ,
ايعودوا مرة اخرى فقيرين ؟ بعد ان اعتادوا حياة النعيم ؟؟
ايعودوا ليصبحوا مواطنين و هم للبلاد حاكمين ؟؟
ففكروا و قرروا
و خططوا و دبروا
على تصفية المعارضين , بالرشاوى و ان لم تعمل فبحد السكين , فان لم تعمل فليكن بتشويه صورهم على ألسنة القصاصين
و ليحضروا ايضا بعض المهللين . فلندفع لهم بسخاء عظيم , حتى يبدوا التأييد من الزمان القديم .
و يقال ان زعيم المماليك كان رجل فى العمر قديم
و كان يمتلك ملايين الملايين
و كذب على الشعب كذب السنين
فقال انه حارب فى حروبه الكثيرين
و افضاله على الناس اجمعين !!
و كان حوله الكثيرين , و كانوا فى احوال البلاد متحكمين
و أكملوا خططتهم الملاعين بنشر الرعب فى البيوت
و ادعائهم بان الشياطين فى الملكوت يفصلها عن الفتك بهم بعض الخيوط
و قيل أن قائد المماليك الحقيقى , كان رجلا فى البلاد شقى , ولكبيرة الدول ابن حتى صار من بعد الشحذ غنى !!
و قيل انه خطط و دبر , و سهر ليالى يفكر , كيف يمكن ان يستعين بالدولة الكبيرة ليسحب من تحت اقدام الزعيم الحصيرة , و يصبح للبلاد حاكما و اميرا
و قيل انه نجح فى خطته و للزعيم قد شنق , و ان الشعب منه قد قلق
فلتحسين صورته عمل على تشويه صورة زعيم المماليك
فقال انه كان حرامى فى الهوجة
و كان يزرع البانجو فى الصوبة
و ادعى انه طنطاوى مع انه من أهل النوبة !!
فلم يزل من الشعب القلق , و كان من حاكمه اتخنق
فما كان من القائد الا ان كان منه ما كان , بأن قتل نفسه و اطلق لنفسه العنان
ففام المماليك مسرعين , متنازعين , يحلم كل منهم بما سيلاقيه من النعيم
فقام الشعب من بعد صبر و اتنظار
فقام بتقطيعهم كما يقطع الخضار
و جلعهم ذليلين كالابقار
و بايع الشعب من نفسه رجل عظيم
ليس كذابا ولا لئيم
و على بلاده امين
و بالله يستعين
و من الشعب يؤمر فيستجيب
فساد الأمن و الأمان
و تغير الزمان
فعادت تلك الدولة احلى من احلى مكان
و عاش الناس فى رخاء
و آمنوا بعدالة السماء

و توتة توتة خلصت الحدوتة !

هناك 18 تعليقًا:

  1. (:

    جامدة يا أكرم

    بس ياريت الحقيقة تبقى نهايتها زى القصة

    ردحذف
  2. ولا الف ليلة وليلة وملعوبةاوووي.....بس يارب تنصر الغلابة على العصابة

    ردحذف
  3. بارب يا اكرم يغور المماليك

    اطمئن فىالنهاية لا يصح الا الصحيح

    اعجبنى جدا اسلوب سردك

    تحياتى

    ردحذف
  4. حلوة عجبتنى دى بس يا رب تكون دى فعلا النهاية ومتقلبش بفلم هندى

    ردحذف
  5. وااااااااااااااااااااااااااااااااااااااااااااااااااااااو ... يخرب بيت الإسقاط السياسى :)))

    ردحذف
  6. يسمع من بقك ربنا و تتحقق النبوئة و يسيل دماهم رخيصة ثمن خيانتهم للامانة قول انشالله
    بس حلوة الحدوتة

    ردحذف
  7. جاااااااااااااااامدة يا اكرم
    عجبتني اوي
    تسلم ايديك

    ردحذف
  8. رد مشترك فى الاول كده على معظم تعليقاتكم
    انتوا ليه متشائمين كده ؟؟
    اقصى امانيكم انهم يمسكوا بعدين يقتوا فبعض بعدين نبقى نقوم تانى ؟؟ فاضيين احنا موراناش حاجة ؟ :)))

    ردحذف
  9. رامى :
    مبسوط انها عجبتك بس ان شاء الله تبقى نهايتهم احسن من كده عشان خاطرنا من عشانهم :))

    ردحذف
  10. تركيب :
    ميرسى و ليك وحشة
    ان شاء الله ربنا هينصر الغلابة , بس يا رب يبقى قريب لأننا هرمنا و الله
    منور :)

    ردحذف
  11. استاذ ابراهيم
    شكرا :) مبسوط اوى انها عجبتك
    اما بخصوص رحيل المماليك فربنا كبير :)
    شرفتنى

    ردحذف
  12. غير معرف (اختى)
    قولى يا رب بس :))
    ان شاء الله مش هتقلب هندى غير على دماغهم

    ردحذف
  13. آخر ايام الخريف :
    ليه بس كده يا نور
    اما يتخرب بيته افش غيى فى ايه انا ؟؟
    ارتكب جريمة قتل ولا اروح شقة العجوزة ؟

    ردحذف
  14. sherry wagdy
    مبسوط اوى انها عجبتك :)))
    بالنسبة للحدوتة فدى مجرد حدوتة :)))

    ردحذف
  15. Dalia :
    ميرسى ربنا يخليكى
    نورتينى:)

    ردحذف
  16. كلمات ومعاني جميلة وسردها احلا واجمل تسلم الأيادي :))

    ردحذف
  17. فهمتكم .... فهمتكم ...........الان فهمتكم ........... من انتم ؟

    ردحذف
  18. فهمتكم .... فهمتكم ...........الان فهمتكم ........... من انتم ؟

    ردحذف

عبرنى شكرا :)