معرفش ليه النهاردة حبيت النهاردة اكتب عن الامل
الامل اللى كلنا فى وقت فقدناه , الامل اللى فاتن حمامة فى مقابلتها اللى عملتها عيد ميلادها اللى فات قالت لو رجعت للفن هرجع بعمل عن
الامل اللى رجع لمعظمنا تانى , و اللى مرجعلوش نفسه يطلع غلطان و يلاقيه امبارح قبل النهاردة .
الامل اللى كلنا بنحارب بس عشان خايفين لحد يسرقه مننا .
الامل اللى كلنا بنعيش بيه و ليه , عشان يجيلنا و عشان نحميه !
الأمل بان فى حاجة حلوة فى بكرة مستخبية عشان تعملنا مفاجأة , عشان اما تطلع فجأة نفرح بيها اكتر
زى ما الليل بيبقى مستخبى وراه النهار . زى القمر بيبقى هلال و يكبر
زى ما احلامنا بتكبر معانا كل ما بنكبر
خلى املك دايما فى ربنا كبير , و اعرف ان فى ناس كتير قبلنا حققوا حاجات كانت المفروض مستحيلة
يبقى ليه احنا مش هنعرف ؟؟؟؟
يعنى داليدا بنت شبرا اللى كان عندها حول و هى صغيرة كان ممكن حد يقول انها ممكن توصل للى وصلتله ؟
طب بلاش كيت ميدلتون اللى جدتها كانت من عمال المناجم و مامتها مضيفة طيران كانت تحلم تتجوز امير , مش بس كده دى دخلت نفس الجامعة اللى دخلها !!
ممكن تكتئب لان الفترة اللى انت قاعد فيها مستنى تحقيق الامل طولت و ده طبيعى , لكن اوعى تفقد املك فان بكره احلى
انا معلش ممكن اكتئب لأن عندى ظروف خاصة لكن عمرى ما بفقد الامل فان مسير الايام الصعبة تفوت .
ملقتش اغنية معبرة عن الحياة قد اغنية فص زمرد لنهال نبيل , معلش هى صوتها فطسان شوية بس حلو :))
--------
حاجة اخيرة ::
لما الدنيا تكشرلك عارف تعمل ايه ؟؟؟ عوم و اتمخطر , عوم و اتمخطر مخطر مخطر , عووووووووم و اتمااااخطاااااار :)))
طب بالزمة في امل بعد مالناس قامت بثورة ومفيش حاجة تغيرت؟ للاسف كل امثلتك اجانب حتى داليدا مش مصرية ...الظاهر حد عامل لينا عمل طفش الامل...
ردحذف