البجعة

فى اوروبا و امريكا بيطلقوا على المرأة الجميلة اسم البجعة (the swan) و الاسم دة جة من رواية هانس كريستيان اندرسون الشهيرة (the ugly duckling) و القصة بتحكى عن بطة صغيرة شكلها مش حلو و بتهرب من اهلها و بتلف فى اماكن كتير لحد اما بتشوف البجع بس بتخاف تتعامل معاهم و بيجى الشتاء و بيعدى و اما بيجى الربيع البط بترجع لنفس مكان البجع بيرحبوا بيها و بتعيش معاهم و اما بتكبر بتبقى بجعة .
بطلة فيلم (the swan) و هو مش متاخد من الرواية على فكرة كانت جريس كيلى .
امرأة بجمالها و فتنتها تستحق لقب (the swan) , مش كدة و بس دى كمان بذكائها الحاد قدرت تختار حياتها المستقبلية اللى تضمنلها السعادة و الاستقرار و الرخاء بس للاسف ماتت قبل اما تشوف دة بيتحقق قدام عينها
جريس كيلى من مواليد فيلادلفيا 12 نوفمبر 1929
مثلت 11 فيلم و اخدت الاوسكار و 3 جولدن جلوب
القدر كان هو السبب الوحيد فى انها بقت اميرة
و هى بتصور فيلم (to catch a thief) فى موناكو و فى منحدر عند الريفييرا شافها الامير رينيه و بعدها بفترة طلب ايدها و حسبتها الحسبة الصح , عرفت ان مستقبلها السينيمائى مش هيطول لانه معتمد على الجمال و الجمال فانى .
عرفت انها هتبقى اميرة لدويلة اوروبية صغيرة و متحضرة و هتعيش حياة مستقرة للنهاية . و وافقت على الزواج و على فكرة الملك فاروق حضر حفل زفافهم .
انجبت 3 اطفال
الاميرة كارولين
الامير رينيه
الاميرة ستيفانى
مع الوقت بدا نظر الاميرة جريس يضعف و مبقتش بتقدر تشوف كويس زى الاول
و فى يوم 13 سيتمب 1982 كانت جريس بتسوق فى طريقها للعودة من المنزل الريفى للاسرة و معاها بنتها ستيفانى و فى طريق الريفييرا اللى كله منحدرات و فى اخر منحدر و اصعب منحدر خبطت العربية فى صخرة و قدروا ينقذوا جريس و بنتها من العربية المحطمة بس جراح جريس كانت خطيرة و مقدروش ينقذوها و اتوفت تانى يوم الحادث بس سيتفانى قدروا ينقذوا من مصير امها .
اعلن نبأ وفاة الاميرة جريس كيلى يوم 14 سبتمبر 1982
و بكدة أسدل الستار على حياة المليونيرة اللى بقت ممثلة و بعدين بقت اميرة و بعد وفاتها بقت اسطورة
اسطورة البجعة اللى قال عليها المخرج الرائع هيتشكوك جمالها كالبركان الساكن تحت الجليد .