خبر على كل القنوات ابتداءا من الاخبارية و صولا لقنوات النصب و التهجيص و هو .....................
أمريكا قتلت بن لادن !!!!!!!!!!!!!!
كان فى كلام طالع من زمان ان بن لادن مات خصوصا انه عجوز و كان فى كلام ان بن لادن كان صديق بوش و كان فى كلام كتشير اخر حاجة
ممكن بس نحلل الاحتمالات :
لو كان مات من زمان و كان بوش عامله حجة آدى اوباما خلص ع الحجة , لان بوش كان متأثر اوى بالحلم الامريكى منزل و سيارة لكل امريكى من غير تعب حقيقى على حساب الدول الاخرى , لكن ممكن يكون اوباما معندوش اللسعة دى و حب يخلص على الحجة اللى كان عاملها بوش .
و لو كان بن لادن و بوش اصحاب و كانوا متفقين مع بعض انهم يعملوها حجة عشان امريكا تدخل هذه الدول , فبرضو امكانية ان اوباما حابب يخلص من الموضوع ده واردة و تنطبق , لان الحروب دى واقفة عليهم بخسارة و اوباما وعد شعبه انه هينسحب من افغانستان و العراق .
ولكن !!!!!!!!!! هو معقولة امريكا بجلالة قدرها هتخرج من بلدين ايد ورا و ايد قدام تدلدل اذيال الهزيمة لا خلصت ع القاعدة و لا عملت اى حاجة بعد السنين الطويلة العريضة دى كلها ؟؟؟؟؟؟؟؟؟
ممكن يكون اوباما دور على حاجة يخلص بيها من المصايب اللى وقعه فيها بوش بس من غير ما يطاطى راسه ولا راس بلده
فيقولوا انهم خلصوا على بن لادن اللى كانوا بيدوروا عليه بقاله عشرميت سنة و بكده مهمتهم مانتهتش برضو هما هيفضلوا يحاربا الارهاب بس من بعيد !!
فى احتمال تالت ان الكلام ده بس عشان يرفعوا الروح المعنوية او عشان يبينوا للعالم ان اللى بيعملوه له هدف و بيجيب نتيجة
انا عن نفسى شايف ان فى الحالتين الاولانيين احنا الكسبانين خلصتوا ع بن لادن مبروك يلا مع السلامة سكتكوا خضرا
اما الاحتمال الاخير فده بالظبط زى حكم المحكمة يبقى الوضع كما هو عليه !!
الكلام عن بن لادن فكرنى بتدوينة كنت كتبتها من كزا شهر فى ذكرى تفجير برجى التجارة العالميين ممكن تقروه هنا
على رأى مينا زكرى ::
خلاص زيَّطنا كفاية في موضوع مقتل الإرهابي الشهيد بن لادن؟ نرجع نركز بقى في الكلام المهم... فين كاميليا ؟؟؟؟؟؟؟؟؟؟؟
تخيل ان فى ناس بتعيط و تولول على بن لادن فى مصر باعتباره شهيد ؟؟ و ان اللى بيقتلوا الانبياء يعملوا اى حاجه فقلت فى بالى هو بن لادن بقى نبى كمان؟؟؟...ده موت مسلمين اكتر من اى حد تانى هكذا انظر للامور
ردحذفوَاصْبِرْ وَمَا صَبْرُكَ إِلاَّ بِالله وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ
ردحذف