خشخاشتى الصفرا .......و عجبى!!

قال اية مرة واحدة سمعنا عن سرقة لوحة لزهرة
سالنا و اطقسنا قالولنا الخشخاشة الصفرا
و اما قلنا ازاى الرد جاب قهرة
قال اية قصر الباشا الكبارة بقى متحف عرة
و لا فيه كاميرا و لا حراس و الشجر نشف بعد الجنينة ما كانت خضرة
و قال اية كمان نشروها من البرواز فى وقت المساء و السهرة
و اتاريها اتسرقت من كام سنة و رجعت زى الشاطرة
قال اية لقوها واقعة فى ارض دولة اخرى
و خدوها و نضفوها و رجعت ارض مصر الطاهرة
و مش مضايقنى قد ان الشعب عايش فى سكرة
العيب مش عليه لوحده دة على القنوات الحرة
اديت برامجها اجازة و المزيعات لموا العدة و كل واحدة قالت انا مسافرة
اصلنا فى رمضان و لازم الناس تبقى حافظة المسلسلات و مزاكرة
قال اية مش ناقصين هم و غم زيادة كفاية العزومة و الكحك و الهدوم اهم حاجة السترة
الحاجة زهرة و الست صفية اللى سكانين فى العتبة الحمرا فى العمارة اللى متبرشمة بالشمعة الحمرا
و لا الجماعة اللى ملاحقهم العار من ساعة اغتيال شمس و اللى كل يوم يقولوا ماما فى القسم و قال اسم امهم كليوباترا
و لا المراة اللى فى ورطة من بعد ما اتنشرت مزاكرتها سيئة السمعة و عرف قصة حبها كل اهل كايرو لحد ما جوزها خرجها من الدنيا بره
و لا الملكة اللى فى المنفى اللى كانت عايزة تتجوز من شاهد الاثبات اللى شهد ان اللص سرق الكتاب و اطردت من بيت الباشا و عاشت فى الحارة
ولا ولا ولا ولا ولا مليون قصة و رواية كل واحدة فيهم فى الذهن حاضرة
و مش عايزين الناس تتلهى و تنسى حكاية اللوحة النادرة
من الاخر احنا شعب شاطر فى انه يملى بعد الفطار فى بطنه لحد اما قميصه ميوصلش للصرة
و عجبى !!!!!