خالد سعيد.... حين يمتنع اللسان عن التحرك و يثور العقل على الصمت

بصراحة النهاردة كنت فى حالة ضيق شديدة و دة لانى مقدرتش اروح الوقفة الصامتة اللى كانت النهاردة على روح خالد سعيد الله يرحمه
و اللى ضايقنى اكتر هو ان فى ناس كتير راحت و انا قاعد معملتش حاجة غير الدعاء ليه و على اللى ظلموه و ظلمونا
بس بعديها بشوية لقيت ان كتابة تدوينة جديدة هى الحل لاطفاء نارى و تبرئة وجهى يوم القيامة و مساعدة بسيطة فى توعية ناس لسة متعرفش من هو خالد سعيد !!

كنت قررت انى احط الصور و الفيديو بدون ولا كلمة لانى بجد مش لاقى كلام اقوله لكن فكرت و لقيت انى لو حطيت الصور من غير كلام ايقى بنفذ بالظبط اللى هم عايزينه ان احنا نسكت بس سكوتنا بيقويهم عشان انا كدة انا قررت انى مش هسكت طول ما ربنا ادانى عقل و لسان و قلب احس بيه بمشاكلا و بلاوى البلد
تحية حارة جدا من قلبى لشباب و امهات و اباء شاركوا فى الوقفات الصامتة النهاردة فى مكان فى مصر من اول اسكندرية مرورا بالمنصورة و القاهرة و اسماعيلية و بورسعيد و الفيوم و صولا لاسيوط
و حتى فى دبى ناس وقفت
احب اخص بالذكر الدكتور البرادعى و الاستاذ ايمن نور اللى راحوا بنفسه اسكندرية عشان الوقفة

قبل ما اسيبكم مع الصور انا لقيت الكلمة دى فى صفحة كلنا خالد سعيد بتقول :

إلى أم الشهيد خالد سعيد
افرحى و قولى ابنى مات
بس ماسبنيش و فات
ابنى صحى كل نايم
ابنى حطم السكات

طفلة فى الاسكندرية

القاهرة

فى الاسكندرية تبكى حزينة على البلد

ام يساروها القلق على مصير ابنائها

زيارة البرادعى لعائلة خالد سعيد النهاردة الصبح و صور لغرفة خالد

شعبنا قامت قيامته هيثم نبيل فيديو مؤثر جدامن هنا

صور من زيارة البرادعى لاهل خالد الله يرحمه من اليوم السابع من هنا
اخر لينكين :

الحزب الوطنى يحاول افشال الوقفة الصامته في الإسكندرية والوقفات الإحتجاجية تعم مصرمن هنا

جدل بين خبراء الطب الشرعى حول حقيقة مقتل خالد سعيد

من هنا
ربنا يرحمه و يرحمنا و يحمينا كلنا و يحفظك يا بلد و يحميكى يا مصر