انا و هى !!!!!

je suis en colère contre toi
ايه ؟؟؟
je suis en colère contre toi
يعنى ايه ؟؟

Io sono arrabbiata con te
انت مين و مبتتكلمش عربى ليه انا مش فاهم ولا كلمة
انت مش عارفنى يا هومار ؟؟
مش عارفنى ؟
لأ
و لا عارف صوتى ؟
مش غريب عليا ............. ايه ده ؟؟؟؟؟؟ استنى .... انتى هى ,صح ؟؟
يا نقرزان . كشفتنى
بس انا برضو قلت انت مستحيل متعرفنيش il est impossible
لا دى فهمتها
هاهاهاها , متضحكنيش يا واد , انا لسه زعلانة منك
ليه كده ؟
بقى تنسى عيد ميلادى ؟
مين قال ؟؟ 17 يناير
انا مقولتش انت مش عارفه انا قلت انت نسيته ... مقولتليش كل سنة و انتى طيبة ليه ؟؟
و الله يا دالى الدنيا عندنا متدربكة و ملخبطة خالص
مبكولش من الكلام ده انا عيد ميلادى كان قبل الثورة
سامحينى انا عايش فى ثورة جوايا و حواليا مش السياسة بس
عارفة , و مسمحاك مون بوتيت بامبينو ,, هو انت لو مكونتش مناخوليا كنت انا طلعتلك هاهاهاهاه
طب و الله من غيرك و من غير صوتك معرفش كنت هعيش ازاى
لأ اذا كان كده يبقى اجيلك ع طول هيبقى انا و انت ؟ هاهاهاهاه
انتى بتهزرى حتى فى الموضوع ده ؟؟
اه ماهو خلص اللى حصل حصل
ندمتى ؟؟
مفكرتش ... الندم مش هيرجعنى يا اكرم , و فى الحالة اللى كنت فيها فعلا مكنش ينفع اكمل
و ايه اللى وصلك لكده ؟؟؟
هو انت كل مرة تسالنى نفس الاسئلة يا حومار
لأ اصلى بجد نفسى افهم ازاى واحدة زيك اسعدت ناس سنين طويلة كده و متعرفش تسعد نفسها
الناس دى كانت هى الحاجة الوحيدة اللى بتسعدنى , باقى لحاجات كانت بتضايقنى بتعصبنى و بتغيظنى زى اسئلتك دى
خلاص خلاص .... متزعليش يا طنط
طنط ؟؟؟
ايوه هو مش انا بامبينو يبقى انتى طنط
بقولك ايه يا وله بامبينو دى بقولها لكل الناس , هو مش انت كنت من كام يوم بتتفرح عليا و انا بقولها لانريكوا ماسياس ؟؟
وى
خلاص يبقى عادى , لكن طنط هسيبك و مش هاجى تانى
خلاص خلاص انا اسف , برضو مقولتليش ليه عملتى كده ..
ما قلتلك كنت تعبانة
مانا عارف نك كنتى تعبانة , (je suis malade) مكنتش مجرد اغنية خصوصا اما غنيتيها فى الاوليمبيا , انا مش فاهم ايه اللى وصلك لكده
يوووووووه , حاجات كتيير , بس الاوليمبيا كانت وضع خاص , و بعدين حكم الصنعة
مش عليا انا , دى مش الصنعة بس
اووووف لازم تزنقنى ايوم مكنتش صنعة بس انا كنت زعلانة فعلا , بس متسالنيش ليه عشان متضايقش
حاضر انتى تامرى
grazie akram
اه الكلام الصغير ده ماشى لكن الكلام الكتير التانى بلاش مبفهموش !!!
هاهاهاه و الله انت اكتر واحد بيضحكنى , بس تعالى هنا يا ولد انت مش كنت عاملى سلسلة , مكتبتش غير اول حلقة منها ليه ؟؟
و الله مشغول و بعدين حسيت انها مش قد المقام قلت بلاش اكمل لحد اما احس انها هتديلك حقك
لأ ملكش دعوة عجبانى كمل السلسلة , يلا انا همشى بقى
هشوفك تانى امتى ؟
اما تنزل الحلقة الجاية
اكتبها و انزلها دلوقتى حالا
هاهاهاهاه , انت هتكروتنى ولا ايه ؟؟ خلى بالك يا واد لو معجبتنيش مش هجيلك
خلاص يبقى اشوفك قبل اما انزلها
هشوف , يلا انا مش هعطلك عن مزاكرتك
تعطلينى مين ؟ ده نتى انقذتينى من درس الكيميا الاورجانيك و كنت محتاس
مانا حسيتك متضايق قلت اجى اقولك ciao , يلا اشوفك بعدين
هستناكى
و انا هجيبلك ,,,,, بااااى
و ابتعدت منصرفة لابحث عن هاتفى الجوال و اضغط بضعة ازرار لتنتلق الموسيقى مصاحبة لكلمات جعلت فرحتى تصل لاقصى الحدود
داليدا ... داليدا ... داليدا .. بقيتى عنا بعيدة .. لكن صوتك ويانا يخلى قلوبنا سعيدة !!!!

نور و نيران

كان ياما كان ........... كان فى بنت اسمها نوران
كانت حقيقى انسان ..... عايش ثائر طيران
هادى و عاقل ............ كمان
و فى يوم من الايام !!!
صحيت من المنام لقت نفسها بقت واحد تانى
بيقول انه كان كداب غدار و انانى
و ان حياتها مكنش ليها معانى
حتى منير كرهته و هجرتله الاغانى
و بقى وحيد بيعانى
حتى مدنوتها سابتها و كانها اتفقت مع القديم انساك و تنسانى
يااااااا نور .. لو خدتى الحكمة خديها من مجنون
و لو سالتى عن الدنيا اسالى عنها واحد شاف الموت
كتابتك عزفت اغانى فينا يعد ما كان بقالنا كتير مسمعناش لروحنا صوت
و كلامك هد فينا جبال من السكوت
يلا تانى ارجعى و ادينا درس فى الصمود
خليكى زى الطير طاير يعلم اجيال و اجيال
يشوفه الطفل يتولد امل ..........و يعيش فى دنيا الخيال
و يطير قبل ما يلمسه , اسرع من الخيل و اشطر من الخيال
لا لا لا , ده مش كلام بيتقال
دى حقيقة على ما شفت منك من افعال
صدقينى , الحياة لها الف طريقة بس نعرف نعيشها ازاى
هسيبك دلوقتى و امشى .... قبل ما تقولى رغاى !!