awram

المعهد القومى للأورام بفم الخليج يتلقى التبرعات على حساب 777 البنك الأهلى المصرى , أما مشروع إنشاء المعهد الجديد بمدينة 6 أكتوبر حساب 500 500 البنك الأهلى و بنك مصر . صفحة المعهد على الفيس بوك هنا

copyright

Protected by Copyscape Online Plagiarism Tool
ايها الطائرين و الله منورين يلا دوسوا اشتراك و خليكوا موجودين و ده حسابى فى تويتر خليكوا متابعين

السبت، 31 يوليو 2010

أحسن ناس,,....................,,الاسكندرية

الحقيقة الواحد مهما راح و مهما شاف و مهما لف دايما بيرجع لاسكندرية
فيها سر عجيب بيشد الواحد صيف شتا مع ان شواطئها حاليا مش احسن شواطئ من ناحية التنظيم و النظافة
الصيف دة و انا فى اسكندرية قعدت افكر يا ترى اية اللى بيشد فى الاسكندرية
ناسها العشريين اللى و انت بتمشى على البحر يتكلملموا معاك كانهم عارفينك من سنين ؟
و لا الشوارع الواسعة الانيقة النظيفة لببى بصراحة لاحظت ان شركة النظافة veola عاملة مجهود فيها؟؟
ولا منظر البحر و انت ماشى من اول المنتزة لحد القلعة ؟
و لا البيوت القديمة اللى شبة بيوت وسط البلد ؟ ولا المتاحف ولا القصور و لا الحاجات الجديدة زى سان ستيفانو جراند بلازا و downtown و carrefour .
الحقيقة انه تقريبا كل دة بالاضافة الى السر المجهول اللى محدش يعرفه
المهم انه بين شطين و ميا عشقتهم عينيا يا غاليين عليا يا اهل اسكندرية
اهوة لينك الاغنية عشان تسمعوها و انت بتقروا
http://www.sm3na.com/song32952.html

ملاحظاتى عن الاسكندرية السنة دى :
الحقيقة السنة دى اسكندرية كانت اهدأ و افضى و احلى من السنة اللى فاتت
و انضف كمان بكتير و بصراحة شركة النظافة الجديدة عاملة شغل جامد و كل اما اروح فى حتة الاقى عربية تابعة للشكرة بتنضف فى المكان دة
مع ان والدتى بتقول انهم بينضفوا الشوارع الرئيسية بس
فى اتوبيسات صيفى حلوة اوى
فى اتوبيس بيمشى على البحر من غير سقف خالص مسمينه الطفطف و ف
ى اتوبيس مفتوح اخره بس و عليه سور حديد كانه بلكونة برضو بيمشى على البحر و المنظر منه تحفة
كمان فى اتوبسات بتمشى بالغاز الطبيعى و دى حاجة احترمتها اوى لان الغاز الطبيعى صديق للبيئة و اوفر من الوقود التانى و بتودى كل حتة فى اسكندرية و اتفاجئت اما لقيت اتوبيس منهم فى ابو تلات فى الكيلو 22 *




نوادى النقابات تجنن اذا كانت فى اسكندرية نفسها او فى العجمى

نصيحتى
اى حد عضو فى نقابة ليها نادى لازم يروح
انا رحت نادى المهندسين فى بلاج و قعدات على البحر و لعب للاطفال و الكافيتيريات باسعار معقولة جدا
اماكن ماتفوتكوش :
المتاحف :
متحف المجوهرات فى زيزينيا


, متحف الاسكندرية القومى فى شارع فؤاد

, المتحف اليونانى الرومانى

متاحف مكتبة الاسكندرية

مقابر كوم الشقافة


و متحف المحروسة
و عشان تحسوا بجد انكم فى اسكندرية لازم تروحوا بير مسعود

و تاكلوا جيلاتى عزةو تزوروا الجندى لمجهول

فى الاخر شوية صور من تصوير و صور انترنتية مع اغنية و عمار يا اسكندرية










الثلاثاء، 20 يوليو 2010

شاشة التلفزيون العربى

اوعوا تنسوا شاشة التلفزيون العربى تبدا البث بعد ساعة و نصف
الحقؤا نزلوا القناة
التردد 11766
نايل سات
27500